भांगरभूंय | प्रतिनिधी
पणजी ः पणजेच्या शीतल हॉटेल ते मधुबन जंक्शन रस्त्यावेल्या झरीना टॉवर इमारती मुखार गांज्याचें रोप मेळ्ळां. शेनवारा काकुलो मॉला लागसारुय एक मेळिल्लें. एएनसीन तें ताब्यांत घेतिल्लें.
काकुलो मॉला लागसार आशिल्लें तें गांजाचें रोप लोकांचे नदरेक पडटकच बोवाळ जालो. उपरांत घुंवळे वखदा विरोधी पंगडाचे (एएनसी) अधिकारी थंय पावले आनी ते रोप मुळा सयत काडून तपासणे खातीर धाडलें. तपासणी करपा खातीर अधिकाऱ्यांनी माचयेचे नमुने एकठांय केल्यात.
हे विशीं एएनसीचे पुलीस निरीक्षक संजीत पिल्ले हांचे कडेन संपर्क केल्यार, तांणी हें रोप गांज्याचें म्हूण मान्य केले. पूण हे पुराय रोप गांजो न्हय. जेन्ना ह्या झाडांक फुलाचें बोंड येता तेन्ना तो गांजो. पानांचो गांजो म्हूण वापर जायना. पूण हे घडणुकेंत ह्या रोंपाक फुलाचें बोंड येवंक नाशिल्ले.
आतां, झरीना टॉवर इमारती मुखार गांज्याचें रोप मेळ्ळां. स्मार्ट सिटीत गांजाचें रोप मेळपाची ही दोन दिसांतली दुसरी घडणूक.
स्मार्ट सिटींत परतून गांज्याचें रोप …
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
