भांगरभूंय | प्रतिनिधी
मथुरा, खबरां संस्था: मथुरेंत मंगळारा सकाळीं ४ वरांचेर यमुना एक्सप्रेस-वेवरचेर बर्याच पडिल्ल्या धुक्याक लागून ७ बसी आनी ३ गाडयो एकामेकांक आपटल्यो. धपको दितांच गाडयांक उजो पेटलो. ह्या अपघातांत ४ जाणांक लासून मरण आयलें. एका प्रत्यक्षदर्शीन सांगलें, २० ऍम्बुलन्सींतल्यान १५० लोकांक हॉस्पिटलांत धाडल्यात.
डीएम चंद्र प्रकाश सिंह हांचे म्हायती प्रामण, हो अपघात बलदेव पुलीस स्टेशन हद्दींतल्या मायल स्टोन १२७ हांगा जालो. डीएम आनी एसएसपी हांचे सयत अधिकारी घडणुके सुवातेर पावल्यात. रेस्न्यु ऑपरेशन सुरू आसा. पुलीस, उजो पालोवपी दळ, NHAI आनी SDRF चे कर्मचारी उजो पालयतात आनी जखमींक हॉस्पिटलांत व्हरपाच्या कामाक लागल्यात.
प्रत्यक्षदर्शी भगवान दास हांणी, गाडयो एकमेकांचेर आदळ्ळ्यो तेन्ना फारपेट जाल्लेवरीं आवाज आयलो. व्हड स्फोट जाले. पुराय गांव बेगोबेग घडणुके सुवातेर पावलो. सगल्या लोकांनी मजत केली.
आनीक एकल्यान सांगलें, अपघाता उपरांत आमकां उजो पेटिल्ल्याचें दिसलें. लोक बसीच्या जनेलाचीं दारां फोडून भायर उडयो मारताले. सगल्याक किंळच्यो मारिल्ल्याचो आवाज येतालो.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
