भांगरभूंय | प्रतिनिधी
मुख्यमंत्री म्हणटात, कोणेंच दिकाभूल करूंक ना
पणजी : राज्यांत मंत्रिमंडळ फेरबदलाची नेटान चर्चा असतनाच दिल्ली भेटी उपरांत मगो – भाजप संबंद बरेपणाचे आशिल्ल्याचें वीजमंत्री सुदिन ढवळीकरा हांणी स्पश्ट केलें. युतीविशीं जो संदेश मगोन भाजपाच्या केंद्रीय फुडार्यांक दिला, ताची म्हायती मुख्यमंत्री डॉ. प्रमोद सावंत हांकां दिल्ल्याचें वीजमंत्री सुदिन ढवळीकार हांणी सांगलें.
मजगतीं, युती विशीं कोणें म्हजी दिकाभूल करूंक ना, अशी प्रतिक्रीया मुख्यमंत्री डॉ. प्रमोद सावंत हांणी उक्तायली.
प्रियोळ विशीं भाजप कसलीच तडजोड करचें ना अशें मुख्यमंत्री डॉ. प्रमोद सावंत हांणी प्रियोळच्या मेळाव्यांत सांगलें. उपरांत भाजपाक मगोची गरज ना, अशे वक्तव्य कला आनी संस्कृती खात्याचे मंत्री गोविंद गावडे हांणी केल्लें.
हे घडणुके उपरांत मगोचे अध्यक्ष दीपक ढवळीकार आनी वीजमंत्री सुदिन ढवळीकार हांणी दिल्लींत वचीन भाजपाचे सरचिटणीस बी. एल. संतोष हांची भेट घेवन चर्चा केली. मगो आनी भाजपांत मतभेद आशिल्ल्यान मगोचे मंत्रीपद वचपाची शक्यताय उक्तायली. हे फाटभूंयेर मगो आनी भाजपा मदीं मतभेद ना, बरे संबंद आसात अशें वीजमंत्री ढवळीकार हांणी सांगलें. दिल्ली भेटींतल्या संदेशाची म्हायती मुख्यमंत्र्यांक दिल्ल्याचेंय तांणी सांगलें.
मगो – भाजप युती विशीं उलयतना कोण कित्याक म्हजी दिकाभूल करतलो? इतलेंच वक्तव्य डॉ. सावंत हांणी केलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
