भांगरभूंय | प्रतिनिधी
राहूल, प्रियंका, अखिलेश हांकां ताब्यांत घेवन 2 वरांनी सोडले
खबरां संस्था
नवी दिल्ली : सोमारा, मतदार पडटाळणी आनी वेंचणुकेंत मत चोरीच्या आरोपा वयल्यान सुमार 300 विरोधी खासदारांनी संसदे सावन वेंचणूक आयोगाच्या कार्यालया मेरेन मोर्चो काडिल्लो. हे मजगतीं, लोकसभेंतले विरोधी पक्ष फुडारी राहूल गांधी, प्रियंका गांधी, अखिलेश यादव हांचे सयत साबार विरोधी खासदारांक ताब्यांत घेतले. पुलिसांनी तांकां संसद मार्ग पुलीस स्टेशनार व्हेले, थंयच्यान तांकां 2 वरां उपरांत सोडले. ताब्यांत घेतले उपरांत राहूल गांधी हांणी सांगलें, ही संविदान वाटावपा खातीर लडाय सा. ही एक व्यक्ती- एक मताची लडाय आसा. हे खातीर आमकां निवळ मतदार वळेरीची गरज आसा.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
