भांगरभूंय | प्रतिनिधी
इंफाळ: मणिपुराक ३ मे २०२३ दिसा वांशिक हिंसाचार सुरू जाले उपरांत रोखडीच सामुहीक बलात्काराक बळी पडिल्ल्या २० वर्सां पिरायेचे तरणाटेक पयर मरण आयलें. सामुहीक बलात्कारा वेळार ती फकत १८ वर्सां पिरायेची आशिल्ली. एनडीटीव्ही प्रमाण, ती तरणाटी तीन वर्सां आदल्या अपहरण आनी सामुहीक बलात्काराच्या धक्क्यांतल्यान सारकी जावंक नाशिल्ली. हें प्रकरण देशभर गाजिल्लें.
तरणाटेचे आवयन सांगलें, ती गंभीर जखमी जाल्ली. गंभीर दुखापतींक लागून तिका स्वास घेवपाक त्रास जाताले. निमाणें, तिका मरण आयलें. ती तरणाटी कुकी समुदायाची आशिल्ली. तिणें मणिपूरच्या सिंगहाट गांवांत निमाणो स्वास घेतलो.
पिडेस्तान २१ जुलय २०२३ तारखेर एफआयआर दाखल केल्ली. तिणें आरोप केल्लो,१५ मे २०२३ दिसा, काळ्या रंगाचें टी-शर्ट घाल्ल्या चार सशस्त्र लोकांनी तिचें धवे बॉलेरोंत अपहरण करून दोंगराळ भागांत व्हेली. ड्रायव्हर सोडून तांतल्या तिगांनी तिचेर बलात्कार केलो.
२२ जुलय २०२३ रादिसा पीडितेचें प्रकरण सीबीआय कडेन दिलें. मात ह्या प्रकरणांत आजूनय कोणाकूच अटक करूंक ना. पिडेस्ताक न्याय मेळचो हे मागणे खातीर काल १७ जानेवारीक कुकी समुदायाच्या लोकांनी चुराचंदपूर हांगा कॅन्डल लायट मोर्चा काडलो.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
