भांगरभूंय | प्रतिनिधी
मुंबय, खबरां संस्थाः मणिपाल एज्युकेशन अँड मेडिकल ग्रुपचे अध्यक्ष रंजन पै यांनी डेव्हिडसन केम्पनर कंपनीन बायजूचे उपकंपनी आकाश एज्युकेशन सर्व्हिसेस लिमिटेड (AESL) कंपनींतली सध्याची रीण गुंतवणूक विकत घेतल्या.
मीडिया रिपोर्टा प्रमाण, ही डील 1,400 कोटी रुपयांत जाल्या. केम्पनराक दिल्ल्या 1,400 कोटी रुपयां मदले 800 कोटी रुपया रीण आनी 600 कोटी रुपया व्याज आशिल्लें. केम्पनरकडे तारण म्हणून आकाशांत 15-20% वांटो आशिल्लो. कबलातीचो एक भाग म्हूण ते आतां आपलो वांटो पै हांचे कडेन हस्तांतरित करतले. डेव्हिडसन केम्पनर ही अमेरिकन मालमत्ता वेवस्थापन कंपनी.
पै हांचे एके संस्थेन एनएसई सीबीआरआयसीएस प्लॅटफॉर्माचेर डेव्हिडसन केम्पनराच्यो सगळ्यो एनसीडी विकत्यो घेतल्यो. ह्या कराराक लागून बायजू आनी डेव्हिडसन केम्पनर हांचे मदीं बऱ्याच काळा सावन चलत आयिल्लो वाद सोंपलो.
‘आकाशां’त पै हांकां सुवात
स्पर्धात्मक परिक्षेची तयारी करपी विद्यार्थ्यांक प्रशिक्षण दिवपी बायजून 2021 वर्सा एक अब्ज डॉलरांत आकाश एज्युकेशन सर्विसेस लिमिटेड कंपनी घेतिल्ली. आकाश एज्युकेशन सर्व्हिसेस लिमिटेडांत पै हांकां सुवात मेळटली. तशेंच तांकां आनीक दोन प्रतिनिधी नेमपाचो अधिकार आसतलो. ‘आकाशा’च्या मंडळांत सध्या स वांगडी आसात, तातूंत केम्पनरचे दोन प्रतिनिधी आसात. ह्या करारा उपरांत केम्पनराचे प्रतिनिधी ऑफ बोर्ड जातले.
बायजू रवींद्रन म्हणटात…
आकाश एज्युकेशन कंपनीचे संस्थापक आनी सीईओ बायजू रवींद्रान वित्तीय वर्स 2022 चो निकाल जाहीर केले उपरांत सांगिल्लें, ‘चड -उतारांनी भरिल्ल्या ह्या वर्सा आमकां खूब कितें शिकयलां. कोरोना महामारी उपरांत संवसारांत खूब बदल जाला, तातूंतल्यान आमकां खूब कितें शिकयलां. फुडल्या वर्सांनी बायजू टिकावू आनी फायद्याची वाड चालू दवरतली.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
