भांगरभूंय | प्रतिनिधी
मडगांव: मडगाव पुलिसांनी आकें वाठारांत धाड घालून 2 लाख 77 हजार रुपयांचो 27.48 ग्रॅम ’हायड्रोपोनिक कॅनाबीस’ (गांजो) जप्त केलो. ह्या प्रकरणांत पुलिसांनी दुबावीत अरबाझ शेख (25, रा. तळेबांध) आनी झाहीद हसकोप (22, रा. रुमडामळ हावसिंग बोर्ड) हांकां अटक केली.
चड म्हायती प्रमाण, मडगांव पुलिसांनी बुधवारा रातीं छापो घालून दोगां दुबावितांक ताब्यांत घेतले. तांचे कडेन हो गांजो सांपडलो. मडगाव पुलीस निरीक्षक सूरज सामंत हांच्या मार्गदर्शना खाला उपनिरीक्षक नीलेश शिरवयकार आनी तांच्या वांगड्यांनी ही कारवाय केली. हो गांजो खंयच्यान हाडलो आनी तो खंय विकपाचे आशिल्ले हाचो तपास पुलीस करतात.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
