भांगरभूंय | प्रतिनिधी
भांगरभूंय । प्रतिनिधी
मडगांवः हांगच्या रवींद्र भवनाच्या उक्ता आवाठांत आयतार 10 मार्चाक सांजे 6.30 वरांचेर बायलां दिसा निमतान समाजसेवा, शिक्षण, भलायकी, साहित्य, वेवसाय ह्या मळार काम करपी मडगांव पालिका वाठारांतल्या चार बायलांचो मडगांवचो आमदार दिगंबर कामत हाचे हस्तुकीं भोवमान करतले. सुनंद शंकर पार्सेकार, (शिक्षण), आवडा व्हिएगश (सामाजीक मळ), मंगला व्ही हरमलकार ( साहित्य) आनी शारदा दामोदर नायक (वेवसाय) अशीं तांची नांवां आसात. रवींद्र भवनाचो अध्यक्ष राजेंद्र तालक हाणे पत्रकार परिदेंत ही म्हायती दिली.
बायलां दिसा निमतान सुरमयी शाम ही सांगितीक कार्यावळ जातली. तातूंत नामनेच्यो गायिका साधना सरगम, वैशाली सामंत आनी आनंदी जोशी ह्या महाष्ट्रांतल्या गायिका वांगडा सिने अभिनेंत्री आनी गायिका वर्षा उसगांवकार वांटेकार जातली. कार्यावळींत दिगंबर मानकर, मयुरेश शेर्लेकर, किशोर नारखेडे, प्रभाकर मोसमकर, अमित गोठिवरेकर, ओंकार देवस्कर हे साथसंगत करतले. सूत्रसंचालन स्मिता गवाणकर करतली अवधूत वाडकर यांचे संगीत आसतलें. ही कार्यावळ सगल्यां खातीर उक्ती आसा. कला मोगींनी व्हडा संख्येन कार्यावळीक येवचें अशें राजेंद्र तालक हाणे मागलां.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
