भांगरभूंय | प्रतिनिधी
मडगांवः मडगांव कदंब बस स्टँड वाठारांत फकत कदंब आनी खाजगी बशीं खातीर पार्किंग सुविधा उपलब्ध आसा. पूण सध्या ह्याच सुवातेर नुस्तें व्हरपी ल्हान व्हड ट्रक पार्क करतात. ताचें कडल्यान 100 ते 150 रुपया कर घेतात. आनी हे रक्कमेची पावतीय दिनात.
बस स्टँड वाठार पे-पार्किंग वाठार नासलो तरी अशे तरेन नुस्त्याच्यो गाडयो पार्क करतात आनी तातूंतल्यान कदंब म्हामंडळाक कसलीच येणावळ मेळना. ही येणावळ पुरायपणान तिसऱ्याच मनशाक मेळटा हें स्पश्ट जाता.
एसजीपीडीए बाजारांत वा ताचे भायर गाडयो पार्क केल्यार थारावीक कर घेतात. देखून कांय विक्रेत्यांनी हाचे आदीं माडेल वाठारांत गाडयो पार्क करून नुस्तें भरपाचे आनी काडपाचें काम केलां. पूण आतां हे खातीर कदंबा म्हामंडळाचो वाठार उक्तेपणान वापरपाक लागल्यात. हाचेर नागरिकांनी नाराजी उक्तायल्या.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
