भांगरभूंय | प्रतिनिधी
भांगरभूंय । प्रतिनिधी
मडगांवः मडगांव पालिका मंडळाच्या चवथ्या श्रेणींतल्या 34 कर्मचाऱ्यांक बडटी दिवपाक जिल्हो बडटी समितीन फाटल्या 31 मेक मंजुरी दिल्ली. ताची कार्यवाही करून सोमाराक ह्या कर्मचाऱ्यांक बडटीची पत्रां दितले अशी म्हायती नगराध्यक्ष दामोदर शिरोडकारान दिली. ह्या कर्मचाऱ्यांचे बडटीचो प्रश्न कांय वर्सां सावन प्रलंबीत आशिल्लो.
मडगांव पालिका मंडळाची साबार बसका शुक्राराक जाली. बीएस 4 प्रकाराच्या तीन ट्रकांची नोंदणी अजून करुंक नाशिल्ल्यान ते वापरा विणे गॅरेजींत आसात. ताचें नोंदणे प्रक्रिये खातीर सर्वोच्च न्यायालयांत याचिका सादर करपा संबंदी बसकेंत निर्णय घेतलो. सोनसडो कोयर प्रकल्पांत काम करपा खातीर कंत्राटी पद्दतीचेर 15 कामगार घेवन तांकां पगार दिवपा खातीर 14व्या वित्त आयोगाच्या निधींतल्यान पयशे काडपाच्या निर्णयाक ह्या वेळार मंजुरी दिली.
हायड्रन्ट, उदका पायपलाय, सोनसडो प्रकल्पाच्या पश्चिमे कडली राखणे वणत आनी शेड वित्त आयोगांतल्या निधींतल्यान बांदपाचें बसकेंत थारलें. गोंय भरती आनी रोजगार समिती वतीन स म्हयन्यां खातीर 10 ड्रायव्हराची नेमणूक करपाचें थारलें. अॅड मारिया मिस्किता आनी वसुली अधिकारी राजेंद्र भगत हांका स म्हयन्याची मुजत वाड दिवंन तांचो पगार पालिका निधींतल्यान दिवपाचो निर्णय घेतला. बेकायदो बांदकामां आनी अतिक्रमणांची प्रकरणा निकालांत काडपाचो निर्णय बसकेंत घेतलो.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
