भांगरभूंय | प्रतिनिधी
मडगांव : मडगांवां ओल्ड मार्केट सर्कला कडेन रस्ता हुपतना बशीचो धपको बशिल्ल्यान चलत वचपी जोसेफ बाप्तिस्ता (६८, मालभाट, सध्या बड्ड्यां) हाका मरण आयलें. ह्या प्रकरणांत फातोड्डें पुलिसांनी बस ड्रायव्हर इर्फान शेख हाचे आड गुन्यांव नोंद केला.
मेळिल्ले म्हायती प्रमाण, सकाळीं बसीच्या धपक्यान चलत वचपी जोसेफ बाप्तिस्ता हाका मरण आयलें. जोसेफ बाप्तिस्ता हे शुक्रारा सकाळीं दिसाळें विकत घेवन रस्तो हुपताले. तेन्ना वेर्णाचे एके कंपनीचे बसीन तांकां धपको दिलो. हातूंत जोसेफ हे गंभीर जखमी जाले. तांका दक्षीण गोंय जिल्लो हॉस्पिटलांत उपचारा खातीर व्हेले. मात वैजकी अधिकार्यांनी तपासणी करून तांकां मरण आयिल्ल्याचें सांगलें.
फातोड्डें पुलिसांनी घडणुके सुवातेर वचून पंचनामो केलो. ताची कूड पोस्टमार्टमा खातीर दक्षीण गोंय जिल्लो हॉस्पिटलाच्या मोर्गांत दवरल्या
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
