भांगरभूंय | प्रतिनिधी
पणजी : मडगांवां 6 जुलयाच्यान मान्सुन शाॅपिंग फेस्टिव्हल प्रदर्शन सुरू जालां. आयनोक्सा मुखार एसजीपीडीए मैदानाचेर हें प्रदर्शन 16 जुलय मेरेन चलतलें. प्रदर्शनाचो वेळ सकाळीं 10.30 ते सांजे 9 मेरेन. दर दिसा भरपूर खरेदीचे पर्याय, खेळ आनी भुरग्यां खातीर मनरिजवण क्षेत्र आसा. क्रेडीट आनी डेबिट कार्डां स्विकारतात. तशेंच फुकट पार्किंग झोन आनी प्रदर्शनाक फुकट प्रवेश आसा.
ह्या प्रदर्शनांत सुमार 100 ते 120 स्टॉल आसात. मातयेचीं आयदनां, गालिचे, प्रसाधनां, तरातरांचे कपडे हे सारकिल्ल्यो वस्तू आसात. शर्ट, खेळणीं, हॅंडलूम, लेडीज शूज, लेडीज कुर्ती, जेवणाचे स्टॉल, खेळ, मनरिजवण, आनी हेर जायतें ह्या फेस्टिवलांत आसा. बऱ्याच जिनसांचेर व्हडली सवलत आसा.
सगळ्या लोकांनी ह्या महोत्सवाक हाजीर रावन प्रदर्शन आनी व्हड प्रमाणांतले मनोरंजनाचे कार्यावळीचो आस्वाद घेवचो, असो उलो आयोजकांनी मारला.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
