भांगरभूंय | प्रतिनिधी
तांकां मारपाक हाडिल्ल्याचो दुबाव
मडगांव : मडगाव ईएसआय हॉस्पिटला फाटले उक्ते सुवातेवेल्यान दोन गायो आनी दोन वासरांची सुटका केली. हीं गोरवां मारपा खातीर हाडिल्ल्याचो दुबाल आसा. गोंय बजरंग दल गो रक्षा मुखेली रवींद्र रेडकार हांचे सयत दक्षीण गोंय जनावरां क्रुरताय प्रतिबंधक समिती, ध्यान फावंडेशन आनी मडगांव पुलिसांची जोड कारवाय.
हे विशीं चड म्हायती प्रमाण, मडगांवच्या ईएसआय हॉस्पिटला फाटल्यान आशिल्ल्या आझाद नगरांतले उक्ते सुवातेर दोन गायो आनी दोन वासरां बांदून दवरिल्लीं. हीं गोरवां मारपा खातीर हाडल्यांत, रातची तांची येरादारी करतले अशी म्हायती बजरंग दलाच्या कार्यकर्त्यांक मेळ्ळी. उपरांत बजरंग दळ गोंयचे गो रक्षा मुखेली रवींद्र रेडकार हांचे सयत हेर बजरंग दळाचे कार्यकर्ते घडणुके सुवातेर पावले. हाची म्हायती दक्षीण गोंय जनावरां क्रुरताय समितीचे राज प्रतीक हांचे सयत मडगांव पुलिसांक दिली. भगवान रेडकार हांणी सांगलें, आझादनगर वाठारांतले उक्ते सुवाते बांदून दवरिल्ल्या चार गोरवांक टाटा एस गाडयेंत भरताले. हांगा दोन व्हॅस्पा दुचाकी आशिल्लयो, अशी म्हायती थळाव्यांनी दिले उपरांत बजरंग दलान रोखडोच पुलिसांक फोन करून हे विशीं म्हायती दिली.
पुलिसांच्या सहकार्यान दोन गायो आनी वासरांची सुटका केली. ध्यान फावंडेशनाच्या सहकार्यान ह्या गोरवांची काळजी घेतले. तांकां सध्या ध्यान फावंडेशनाच्या ताब्यांत दिल्यांत. ह्यान फुडें कायदेशीर कारवाय करतली अशें सांगलां.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
