भांगरभूंय | प्रतिनिधी
घाणयाऱ्या उदकाची पायपलायन घालतना कामगारांचें घाळपण
भांगरभूंय । प्रतिनिधी
मडगांवः मडगांवां हॉटमिक्सींग डांबरीकरण केल्ले रस्ते घाणयाऱ्या उदकाची पायपलायन घालचे खातीर परतून खणटात. हे आदीं ईएसआय हॉस्पिटला लागसार रस्तो खणटना उदकाची पायपलायन फुटिल्ली. आतां परतून एकदां आझादनगरा लागसार रस्तो खणटना कामगारांच्या घाळपणाक लागून उदकाची पायपलायन फुटली. मडगांव आनी फातोड्डें वाठारांतल्या रस्त्याची दुरुस्ती करून रस्त्यांचें हॉटमिक्सींग डांबरीकरण केलां. प्रधानमंत्री नरेंद्र मोदी हांचे गोंय भेटीचे फाटभुंयेर रस्त्यांचें हॉटमिक्सींग केल्लें. रावणफोंड सर्कल ते ईएसआय हॉस्पिटला मेरेनचो रस्तो सध्या घाणयाऱ्या उदकाची पायपलायन घालचे खातीर खणटात. ह्याच रस्त्याचेर हॉटमिक्सींगाचे दोन थर घातिल्ले आनी रस्तो खणले उपरांत शॅडो कावंसिलान निशेध उक्तायल्लो. घाणयाऱ्या उदकाची पायपलायन घालचे खातीर रस्तो खणटना सुरवेकूच ईएसआय हॉस्पिटला कडेन उदकाची पायपलायन फुटिल्ली. तेन्ना हजारांनी लिटर उदक व्हावून गेल्लें. त्या कंत्राटदारा कडल्यान बांदकाम खात्याच्या अभियंत्या कडेन संपर्क केले उपरांत लेगीत सुमार वरभर पायपलायनींतलें उदक रस्त्या वयल्यान व्हावतालें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
