भांगरभूंय | प्रतिनिधी
मडगांवः मडगांवांत धावेच्या निकालाचे फाटभुंयेर मिठाय तयार करपा खातीर हाडिल्ल्यो आनी अयोग्य रितीन सांठोवन दवरिल्लो 1.89 लाखांचो 540 किल मावो अन्न आनी वखदां प्रशासनान जप्त केलो.
मिठाय तयार करपाक राज्या भायल्यान व्हड प्रमाणांत मावो आयिल्ल्याची म्हायती अधिकारी संज्योत कुडाळकार हांणी दिली. ते प्रमाण तपासणी केली तेन्ना दोन आस्थापनांनी सारकी सांठवणूक करुंक नाशिल्ल्याचें आनी एका सुवातेर म्हाल इको गाडयेंत दवरिल्ल्याचें दिसून आयलें. म्हाल सारको सांठोवंक ना जाल्यार तो इबाडटा. आनी तें भलायकेक हानीकारक थारूंक शकता. जप्त केल्लो म्हाल सोनसडो यार्डांत नश्ट करतले अशें स्पश्ट केलें.
मावो केन्ना तयार केलो आनी केन्ना पॅक केलो हाची म्हायती पॅकिंगाचेर ना. हाचे भायर दुदाचे पदार्थ पॅकिंग केल्या उपरांत सांठोवपा खातीर गरजेच्यो सुचोवण्यो जारी केल्यात, तांकां पाळो दिवंक नाशिल्ल्यान ही कारवाय केल्या. उल्लेख केल्ल्या आस्थापनाच्या वापरप्यांक योग्य मार्गदर्शन आनी प्रशिक्षण दिवन लेगीत तांणी योग्य रितीन माव्याची सांठवणूक करूंक नाशिल्ल्यान ही कारवाय केल्या. तांकां कारणां दाखयात नोटीस जारी केल्या अशें रिचर्ड नरोन्हा हांणी सांगलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
