भांगरभूंय | प्रतिनिधी
मडगांव : ट्रॅव्हल्स आनी टूरिस्ट बुकींगाच्या दोन दुकानांनी चोरी जाली. शटर मोडून दुकानांतल्यान रोख पयशे चोरून व्हेले. दोनूय दुकानांतले मेळून सुमार 17 हजार रुपया चोरले. मडगांव पुलीस ह्या प्रकरणाचो तपास करतात.
मेळिल्ले म्हायती प्रमाण, मडगांवच्यादोन दुकानांनी चोरी जाल्ल्याचे कळटाच मडगांव पुलिसांनी घडणूक थळाक भेट दिवन हे घडणुकेची पळोवणी केली. मडगांवतल्या पालिका इमारती फाटल्यान वचपी रस्त्यार आशिल्ल्या कॉमर्स हावसा मुखार आशिल्ल्या इमारतीत जॉन आनी त्या इमारती फाटल्यान बँके कुशीक आशिल्ल्या बोरकराच्या टूरिस्ट आनी ट्रॅव्हर्स आस्थापनांत ही चोरी जाल्या. मंगळारा रातीं चोरांनी गॅस कटराच्या मजतीन दोनूय दुकानांचे शटर तोडले. ते उपरांत दुकानांत भितर सरून दुकानांतल्यान पयशे चोरले. हातूंत दोनूय दुकानांतलें मेळून सुमापर 17 हजार रुपया चोरयेक गेल्यात. हाचे भायर एका दुकानाच्या सीसीटीव्ही कॅमेऱ्यांत चोर दिसता, पूण चित्र स्पश्ट नाशिल्ल्यान तातूंतल्यान व्हडलोसो पुरावो मेळूंक ना. देखून मडगांव पुलीस ह्या मार्गांतल्या हेर दुकानांच्या सीसीटीव्ही कॅमेऱ्यांचे फुटेज तपासून प्रकरणाचो तपास करतात.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
