भांगरभूंय | प्रतिनिधी
भांगरभूंय । प्रतिनिधी
मडगांवः मडगांवच्या हरी मंदिर देवस्थानाची नवी वास्तू, विठ्ठल रखुमाई, गणपती आनी हनुमान मूर्ती प्रतिश्ठापनेचो पांचवो वर्धापन दीस मंगळार 25 एप्रिलाक व्हडा दबाज्यान मनयतले. ह्या उत्सवाक शेनवारच्यान सुरवात जातली. 22 आनी 23 एप्रिलाक सांजे 7 वरांचेर श्रिया मनोहर टेंगसे (पैंगीण) हिची कीर्तना जाल्यार सोमार 24 एप्रिलाक ब्रह्मय देवानंद सुर्लकार (फोंडें) हाचे सांजे 7 वरांचेर कीर्तन जातलें.
मंगळार 25 एप्रिलाक मुख्य उत्सव जातलो. मंदिरांत सौ आनी श्री मंदार पारोडकार हांच्या येजमाने खाला पुरयत महेश हेगडे हांच्या मार्गदर्शना खाला सकाळीं धर्मीक विधी जातले. दनपारां 12.30 वरांचेर आरत्यो आनी 1 वरांचेर म्हाप्रसाद जातलो. सांजे 4 वरांचेर श्री रुक्ममिणीदेवीक 101 सुवासिनीचे हस्तुकीं लक्ष कुंकुमार्चन सेवा जातली. तांणी येतना वांगडा पंचपात्र, पळी आनी पगडो घेवंन येवचें अशें कळीत केलां.
रातीं 7 वरांचेर पणत्यांची आरास जातली. 7.30 वरांचेर पुणे हांगचे गायक विश्वजीत मेस्त्री आनी प्राची जठार हांची सुगम संगीताची कार्यावळ जातली. उत्सवाक भाविकांनी व्हडा संख्येन हाजीर रावचें अशें देवस्थान समितीन मागलां,
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
