भांगरभूंय | प्रतिनिधी
कारवार : गोंयांत फाटल्या कांय दिसां सावन सरकारी नोकरेचे हांयस दाखोवन फटोवपी प्रकरणां उक्ताडार येत आसतनाच अशेच तरेचो एक प्रकार कारवारच्यानूय सध्य उक्ताडार आयला.
चड म्हायती प्रमाण, विदेशांत नोकरी दिवपाचें हांयस दाखोवन कारवारच्या दोगांक वट्ट ३ लाख ४४ हजारांची तोपी घाली. हे विशीं मूळ कारवारचो मात सध्या पाजीफोंड- मडगांवां रावपी मॉन्टी क्रिस्टो गोन्साल्वीस हाचे आड कारवारच्या सीईएन पुलीस स्टेशनांत गुन्यांव नोंद जाला.
कारवारच्या हलगा हांगाच्या झेवियर जुझे डिसोजा हांणी कागाळ केल्या. माॅन्टीन झेवियर हांचो पूत जॉनी डिसोजा आनी ताचो इश्ट अजय नायक हांकां विदेशांत नोकरी दिवपाचें हांयस दाखोवन तांचे कडल्यान पयशे घेतले. मात आजूनय नोकरी दिवंक ना. पयशे परत घेवपा खातीर माॅन्टी कडेन संपर्क केलो तेन्ना ताणें डिसोजा हाका धमकायलो. हे विशीं पुलीस तपास करतात.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
