भांगरभूंय | प्रतिनिधी
– क्रायम ब्रांचीची कारवाय, 12 बुकींक धरले– 12 एजंट/ हँडलर, 3 मुखेल ऑपरेटरांचेर एफआयआर
भांगरभूंय | प्रतिनिधी
पणजी : क्रायम ब्रांचीन उत्तर गोंयांत मटक्या आड अचकीत धाड घालून 12 बुकींक धरले. तशेंच 12 एजंट आनी 3 मुखेल मटको ऑपरेटरां आड एफआयआर नोंद केलां. क्रायम ब्रांचीन 12 वेगवेगळीं प्रकरणां नोंद केल्यांत.
पणजी, म्हापशें, पर्वरी, मडगांव, वास्को, फोंडें, मांद्रें, पेडणें वाठारांत मटकां बुकीं आड कारवाय करतना तांचे कडल्यान मटक्याक लागपी साहित्य जप्त केलें. तशेंच कांय बुकींक ताब्यांत घेतले.
ताब्यांत घेतल्यात तांचीं नांवां अशीं- रामचंद्र बिंद (वास्को), बाळाप्पा तलवार (फातोड्डें), अली शेख (रेईश मागूश), कामराज कुमार (हरमल), प्रकाश ताकेकाट (माशेल), गंगप्पा लमाणी (मडगांव), जेरेमियास नायक (बेती), धनंजय वाराडे (पालयें), परशुराम मदार (बांदोडें), अनिल कुमार सुर्यवंशी (काणका), आरीफ मुलुगुंड (रेईश मागूश), नवनाथ कशेलकार (सरमळें पेडणें).
मटको बेटींग घेवपी एजंट/ हँडलरां आड एफआयआर नोंद जाला. तांचीं नांवां क्रायम ब्रांचीक मेळ्ळ्यांत तीं अशीं – अण्णा, परेश, सुभाष, निलेश मौसीन, गुलझार, अप्पू तिवारी, नारायण परब, सोमनाथ, भारत, रमेश, अमरेश.
मटको घेवपी 3 मुखेल गँबलींग ऑपरेटरांचीं नांवां मेळ्ळ्यांत. तांचीय एफआयआरांत नांवां घाल्यांत. तीं अशीं – चंदुभाय ठक्कर (अहमदाबाद – गुजरात), गणेश्याम भाय (अहमदाबाद – गुजरात), जया चड्डा (मुंबय). क्रायम ब्रांचीन 12 वेगवेगळे एफआयआर नोंद करतना जीपीसी कायदो आनी कलमां खाला यू/एस 11 (2), बीएनएसच्या 112 आर/डब्ल्यू 3 (5), 2023 खाला गुन्यांव नोंद केला. फुडलो तपास चालू आसा.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
