भांगरभूंय | प्रतिनिधी
भांगरभूंय । प्रतिनिधी
माशेलः खांडोळे आमयेवाडो हांगच्यचा गोपाळकृष्ण क्लबान आयोजीत केल्ल्या तिरसे आमयेवाडो प्रीमियर लीग क्रिकेट सर्तींत मंदोदरी क्रिकेट पंगडान जैत मेळयलें. इनाम भेटवण कार्यावळीक मुखेल सोयरे म्हणून विवेक पार्सेकार हाजीर आशिल्ले. शांतादुर्गा देवस्थान अध्यक्ष सदानंद नायक, खांडोळें पंचायत सरपंच विशांत नायक, आदलो सरपंच आनी सद्याचो पंच वांगडी दिलीप नायक, खोमेश कामत, गोपाळकृष्ण क्लबाचो अध्यक्ष नंदकुमार तुरी ह्या वेळार हाजीर आशिल्ले.
फाटल्या तीन वर्सां सावन गोपाळकृष्ण क्लब ही सर्त आयोजीत करता. गांवांतल्या भुरग्यांक आपले खेळां गुण दाखोवपाची संद हे सर्तीक लागून मेळटा अशें दिलीप नायक हाणे सांगले.
विवेक पार्सेकाराचे हस्तुकीं जैतिवंत मंदोदरी क्रिकेट पंगडाक करंड, रोख रक्कम आनी उपजैतिवंत ब्रम्हेश्वर स्टायकर्साक मानेस्तांचे हस्तुकीं रोख रक्कम इनाम म्हणून दिली. ब्रम्हेश्वराच्या सत्येंद्र तुरीक आनी मंदोदरीच्या नंदकुमार तुरीक मॅन ऑफ दी मॅच म्हणून इनामां दिली. मनोज नायकान इनाम भेटवण कार्यावळीचें सूत्रसंचालन केलें आनी बाबू नायकान उपकार मानले.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
