भांगरभूंय | प्रतिनिधी
भांगरभूंय । प्रतिनिधी
पणजीः अखील गोमंतक क्षत्रीय मराठा समाज संघटनेचो आदलो सचीव समाज भाव समाज कल्याण मंत्री सुभाष फळदेसाय हाचेर छत्रपती शिवाजी महाराजाच्या पुतळ्याचें अनावरण करतना सां जुझे दे एरियल हांगा जो हल्लो आनी फातर शेवटून मारपाचो जो प्रकार जालो ताचो समाजाच्या वर्सुकी साबार बसकेंत निशेध केलो. जांणी व्हो हल्लो केलो तांचेर खर कारवाय करपाची मागणी करपी थाराव हे बसकेंत मानून घेतलो.
सगलो समाज फळदेसाय हाच्या फाटल्यान आसा. हल्लो करपाचे प्रकार समाज सोसून घेवचो ना. जश्याक तशी जाप दिवपाक समाज समर्थ आसा. छत्रपती शिवाजी महाराज हे क्षत्रीय मराठा समाजाचें आराध्य दैवत आसा. कोणेय तांचो अपमान करपाचो यत्न केल्यार ताचें गंभीर परिणाम जातले अशें .बसकेंत स्पश्ट केलें. सुभाष फळदेसायाचेर हल्लो केल्ल्यांचेर जे गुन्यांव नोंद केल्यात ते फाटीं घेतल्यार समाज ताका फावो ती जाप दितलो अशी शिटकावणी सांबार बसकेंत सगल्या संबंदितांक दिल्या.
क्षत्रीय मराठा समाजा संघटनेची साबार बसका आयतारा पर्वरीच्या समाजाच्या संकुलांत सुहास फळदेसाय हाचे येजमानके खाला जाली. समाजाच्या संकुलाचें काम पुराय करपाचो तशेंच समाजाच्या वांगड्याचो आंकडो वाडोवपाचो थाराव ह्या वेळार पास केलें. समाजाची जाती निहाय जनगणान करपाच थाराव लेगीत मानून घेतलो. वर्सुकी साबार बसकेक समाज भाव व्हडा संख्येन हाजीर आशिल्ले.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
