भांगरभूंय | प्रतिनिधी
भांगरभूंय I प्रतिनिधी
पणजी : काँग्रेसच्या आठ आमदारांनी भाजपांत प्रवेश केल्ल्यान राज्य मंत्रीमंडळांत फेरबदल जावपाच्याे आनी मंत्र्यांक वगळपाच्यो चर्चा सुरू जाल्यात. तशें जाल्यार मंत्री गोविंद गावडे हांकां मंत्रीमंडळांतल्यान वगळचे न्हय अशी मागणी ‘उटा’ संघटणेन मंगळारा पणजे घेतिल्ले पत्रकार परिशदेंत केली.
सध्याच्या मंत्रीमंडळांत गोविंद गावडे हांच्या रुपान अनुसूचीत जमातीचो (एसटी) फक्त एकूच मंत्री आसा. ताका लागून फुडारांत मंत्रीमंडळांत फेरबदल जाल्यार गोविंद गावडे हांचें मंत्रीपद भाजपान काडचें न्हय, अशें ‘उटा’चे अध्यक्ष प्रकाश वेळीप हांणी म्हणलें.
संघटणेचे पदाधिकारी ह्या वेळार हाजीर आशिल्ले.
राज्यांत मंत्रीमंडळ फेरबदलाच्यो चर्चा सुरू जाल्यात. हातूंत कांय मंत्र्यांक वगळटले अशो वावड्यो चालू आसात. ते खातीरूच ‘उटा’न गोविंद गावडे हांचें मंत्रीपद काडून घेवचें न्हय, अशी मागणी केल्या.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
