भांगरभूंय | प्रतिनिधी
फोंडें: मंगेशी सांजेच्या 4 वरांच्या सुमाराक दोन मोटारीं मदीं अपघात जालो. तातूंत 7 जाण जखमी जाले. जखमी मदीं एकेच मोटारींतल्या 6 जाणांचो आस्पाव आसा.
जखमींक उपचारा खातीर फोंडेंच्या उपजिल्हो हॉस्पिटलांत दाखल केले. मंत्री गोविंद गावडे हांणी अपघाताचे सुवातेचेर वचून जखमींत ताकतिकेन हॉस्पिटलांत व्हरचे खातीर मजत केली.
अपघातांत जखमी जाल्ल्यां मदीं रसिका नायक (60), ऋतीक सावंत (7), कल्पना कुबल (47), सतीक्षा सावंत (19), शुभम सावंत (23), रिमा सावंत (34, सगळे आमोणें) आनी दक्षता शेट (26, दुर्भाट) हांचो आस्पाव आसा. अपघातांत जीए 03 सी 2825 आनी जीए 05 एफ 3869 ह्या मोटारींचें व्हड लुकसाण जालें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
