भांगरभूंय | प्रतिनिधी
1. ते दीसु सानि सानि कीटी पावसु येत्ताचि अश्शिलो :-
भ्रंगाक वग्गि जागो जाल्यारि ऊट्टाचाक मनंचि ना आश्शिले । दिसांदीसु ब्राह्मी मुहूर्तारि भ्रंगान उट्टानु चंदनवन पूर्ति राउंड मार्चे अभ्यासु जाल्लेले । माग्गिरि हे मुग्ध भ्रंग कितलेकी काम करतचि आश्शिलो लेकचिना । पळ्ळेले फूल काड्चे, पान्नाचे वयरि अश्शिले उद्दाक उडोवचे, झाड्डाक ग्रीष्म कालान्तु उद्दाक घाल्चे, माग्गिरि फुल्लाचे वयरि बयसूनु योजन कोरचे, नाक्का मळ्यारि आलोचन कोरचे । हें फूल फूलवल्वे ? ते फूल इत्याक अरळनी ? बीघाल्लेवे, कान्डू वोव्लेवे मोणु ।
भ्रंगाक पुराई फुल्लान `भृंगराजु’ मोणु अप्पइतचि अश्शिले । हे भ्रंगाचे गुंजानांक फुल्लाचे मोग्गु मात्थे हालयीतचि आश्शिले । भ्रंगाचे हे गुंजनांतु नवस्वर नादु अश्शिले, मनांक खुशि जात्ताश्शिले बाड़वूनु, गेल्लेले फूल्लान अरळुचाक बायिसरल्यावरि जात्ताश्शिले । पावसाडींतु मात्र चन्दनांचे रुक्काचे लग्गिचि अश्शिले गुलाब्शांमत्यांचे वय्रिचि भ्रंगु राबताचि आश्शिले / रोज़, तरुणि, शतपत्रि मोणु गुलाबीचे नांवं । भ्रंगु गुलाबशांवंत्याक मोगारि तरु, मोणु अप्पयितचि आश्शिले । भ्रंगाचे स्पर्श जाल्यारि गुलाबीक खुशी मळ्यारि खुशी । गुलाबीचे तामडे बण्णुं पान्नांकयि लग्तचि मोणु सांगचेतित्ले गुलाबीरंगु ।
गुलाबी पाकळायान्तु ‘गुलकन्द’ कोरनु घेवयेत / घरकडेचि ‘गुल्कन्द’ कोरयेत । गुलाबाचे पाकळि सुक्कोनु पिट्टीकोरनु कसायु कोरनु पिवकानवे ? पुवक्का क सांगुका । अश्शि केल्लेले निमत्त पोट्टा उज्जो उणे जात्ता । पुवक्काक सांगुका मोणु भ्रंगान सांगले । पुवक्का ते दीसु मात्र वग्गि उट्टायिनी । आनिकयि वलि पांगुरुनु निद्दलेलि पुवक्का चंदन वनांचि राणी ।
फुल्लांक मोगारि पळयिल्याक हिक्का ‘सुमनाक्का’ ‘कुसुमाक्का’ जाव्वो ‘पुवक्का’ मोणु सम्बोधन करतचि आश्शिले । ‘फूल्ला फ़ूल्ला’ ‘सुगन्धी फुल्ला’ ‘चन्द चन्द फुल्ला’ मोणु मोगारि फुल्ला वोट्टु उल्लयितची आश्शिले पुवक्काले मोगारि अरळलेले फुल्लं बाड़वताचिनाश्शिले । पुवक्का ते दीसु इत्याक ऊट्टायिनी ? कसले स्वपन लेकलेकी ? भ्रंगु फुल्ला वयरि उब्तचि चमकलो । भ्रंग्राक वग्गि जागो जाल्यारि वाकिंग नाक्का दिस्ले । वाकिंग कोरचे आरोग्याक चांग मोणु गोत्तस्लारि इत्याक हे आलस्य ? भ्रंग्राक आप्पण्यालो विषयु आप्पव्याक असह्य जल्लो ।
पावसाचे कीटि कीटि ताज्जे वोट्टु पान्नांचे परपर आयिकतचि आश्शिले फेनांचे खरखर ते है तम्पू वारे चांग नवै ?
अशोक वृक्षाचे रुक्काचे मांचा वैरि पान्नान केल्लेले वलि पांगुरुनु फूल्लाक्का हाय मोणु निद्दलेली । चन्दानंचे घमघमाक हांगाचि आराम नीद । ‘हांगा निद्दता’ चन्दानांचे रुक्का तोग्गूचि मांचो घालनु फुल्लक्का निद्दता आश्शिली । नीद आरामाचि नीद मळ्यारि आरोग्य सूचक । तैचि चंदन वृक्षाचै तोग्गू नीद चन्दन चरमांक चांग।
आंगाचो उज्जो उणे जात्ता सस्याचै वैभव प्रचाराखात्तिर आण्ण्याले जीवन त्याग केल्लेले फूल्लक्काक आण्ण्याले साव्ळ्याचे तोग्गु निद्दोका मोणु पुराय रुक लेकतचि आश्शिले । जल्यारि चन्दनांन अदृष्ट केल्लेलें ।
(लेख दक्षीण कॅनरा शैलींत आसा.)
लेखनीक :- आकांक्षा यादव, छत्तीसगढ़
डॉ. पूर्णिमा भट्. के.
9845830215
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
