भांगरभूंय | प्रतिनिधी
पणजी: गोंय सरकारन भौशीक भलायकी सेवा आनी वखदांची पुरवण सुरळीत दवरपाची नदरेन एक म्हत्वाचो निर्णय घेतला. राज्यांतल्या फार्मा उद्देगा कडेन संबंदीत कर्मचार्यांक फुडल्या स म्हयन्यां खातीर म्हत्वाचो सेवा परिरक्षण कायदो लागू केला. ह्या आदेशाची कार्यवाय १७ डिसेंबर २०२५ सावन सुरू जातली.
संपाचेर पुरायेन बंदी
सरकारान हो निर्णय राज्याच्या वखदां उत्पादन आी पुरवण क्षेत्राचे अखंड कामकाज सुनिश्चीर करपा खातीर घेतला. एस्मा लागू जाल्ल्यान, राज्यांतलीं वखदां निर्मिती, पॅकेजिंग, वांटप आनी येरादारी युनिट्सांतल्या कर्मचार्यांक संपाचेर वचपाक, काम आडावपाक वा ऑपरेशन्सांत आडमेळें हाडपी खंयचेय कृतींत वांटेकार जावपाक पुरायेन बंदी घातल्या.
ह्या कायद्याचे अंमलबजावणीक लागून भौशीक भलायकी आनी म्हत्वाच्या वखदांचे उपलब्धतायेर कसलोच नकारात्मक परिणाम जावचो ना हाची खात्री करप, हें सरकाराचें उद्दिश्ट आसा. हे विशीं फुडल्या काळांत सरकारा कडल्यान अदीक मार्गदर्शक तत्वां आनी अनुपालन सुचवणी जारी करतले.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
