भोमा महामार्गांत थळावीं घरां वा देवूळ वच्चें नाः मुख्यमंत्री
भांगरभूंय | प्रतिनिधी
दिवचलः मदलो वाडो भोमाच्या थळाव्यांनी बायपास रस्त्या विशीं शेनवारा मुख्यमंत्री डॉ. प्रमोद सावंत हांची सांखळे भेट घेतली. त्या वेळार भोमा जावपी महामार्गांत थळावीं घरां वा देवूळ वच्चें ना हाची पुराय जतनाय घेतले. अशी मुख्यमंत्री डॉ. सावंत हांणी दिली. तशेंच सोमारा सकाळीं मंत्रालयांत तंत्रीक पंगड नागरिकां खातीर महामार्गा विशीं सादरीकरण करतलो.
सकाळीं भोमाच्या लोकांनी सांखळे वचून मुख्यमंत्र्यांची भेट घेतली. तांणी आपलीं मतां मुख्यमंत्र्यां कडेन उक्तायलीं तेन्ना भोमाच्या थळाव्यांनी कसलोच हुस्को करचो न्हय. भोमा जावपी महामार्गांत एकूय घरांक वा देवळांत धोको निर्माण जावचो ना अशें मुख्यमंत्र्यान सांगलें.
सोमारा सकाळीं 10:30 वरांचेर आमी पणजेंत खाशेली बसका घेवन हो प्रस्न सुटावो करतले. कसलीच समस्या जावची ना अशें आश्वासन मुख्यमंत्र्यान दिले. सोमारा जावपी बसकेंत चर्चा करुन हे संबंदीचे सगले प्रस्न सुटावे जातले अशेंय मुख्यमंत्र्यान सांगलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
