भांगरभूंय | प्रतिनिधी
फोंडें: भोमा बसींतल्यान प्रवास करतना २४ वर्सां पिरायेचे तरणाटेचो मोबायल घेवन तिका मारपेट केल्ल्या प्रकरणांत संदीप नायक (तिवरें – वरगांव) हाका म्हाड्डोळ पुलिसांनी शेनवारा रातीं अटक केली. १० नोव्हेंबराक बसींतल्यान प्रवास करतना ही घडणूक घडली. निरीक्षक योगेश सावंत हांच्या मार्गदर्शना खाला उपनिरीक्षक अभिलाष नायक फुडलो तपास करतात.
हे विशीं चड म्हायती प्रमाण, तरणाटी आनी दुबावीत एकेच बसींतल्यान प्रवास करतालीं. तेन्ना तरणाटेचो ह्या वळखीच्या दुबाविता वांगडा वाद जालो. भोमा पावतांच दुबावितान तरणाटे कडल्यान मोबायल घेवन तिका मारपेट करपाक सुरवात केली. हे विशीं म्हाड्डोळ पुलिसांनी तपास करून शेनवारा दुबाविता आड गुन्यांव नोंद केलो. तशेंच तेच रातीं ताका अटक केली.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
