भांगरभूंय | प्रतिनिधी
भेंडे दरेका हंगामांत सहज उपलब्ध जाता. मात तुमकां खबर आसा? ते पुश्टीक तत्वांचे पॉवरहावज म्हूण. भेंड्यान फायबर, व्हिटॅमिन सी, के, अँटीऑक्सिडंट्स आनी फोलेट अशे पुश्टीक घटक व्हडा प्रमाणांत आसतात, जे पचन, रोगप्रतिकारशक्त आनी काळजाचे भलायकेची जतनाय घेतात.
भेंडे खाल्ल्यान ऑक्सिडेटिव्ह स्ट्रेस उणो जाता. तें खाल्ल्यान काळजाची भलायकी सुदारता आनी गुरवारपणार बायलां खतीर ही सामकी फायद्याची भाजी. भेंडे उणी कॅलरीज आनी उच्च पुश्टीक तत्वांचें जेवण आसा. हातूंत कार्बोहायड्रेट, व्हिटामीन आनी फायबर व्हडा प्रमाणांत आसतात. भेंड्यांत लागींलागीं सगले तरेचीं गरजेचीं जीवनसत्वां आनी खनीजां आसतात. हातूंत व्हिटॅमिन सी आनी के सगल्यांत चड आसतात. तशेंच व्हिटॅमिन ए आनी बी ६ आसतात. खनिजां मदीं मॅग्नेशियम सगल्यांत चड आसता, जे स्नायुंच्या कार्या खातीर आनी उर्जा निर्मिती खातीर उपेगी थारता.
भेंडे जायते तरेन भलायके खातीर फायद्याचे. तातुंतलें फायबर पचन सुधारता आनी रक्तांतली साखरेची पातळी नियंत्रणांत हाडपाक मजत करता. व्हिटॅमिन सी रोगप्रतिकारशक्त घटमूट करता. भेंड्यांत आशिल्लें अँटीऑक्सिडंट्स शरीराक फ्री रॅडिकल्स पसून वाटयतात आनी काळीज आनी मेंदवाची भलायकी सुदारपाक मजत करपाक शकतात. तांतले फोलेट घटक गर्भधारणे मजगती सामके गरजेचे.
भेंड्यांत खुबशे वखदी गुणधर्म मेळटात. तांतले अँटीऑक्सिडंट्स शरीरांतल्या फ्री रॅडिकल्साक लागून जावपी लुकसाण उणे करतात आनी काळीज आनी मेंदवाचे भलायकेक मजत करतात.
भेंड्यांत एक जॅल सारकिल्लो पदार्थ आसता, जाका म्युसिलेज म्हणटात. हो पचनाक मदत करता आनी इबाडिल्लें कोलेस्ट्रॉल शरीरांतल्यान भायर काडपाक मजत करता, जाका लागून काळजाचे भलायकेक फायदो जाता. भेंड्यांत आशिल्लें उच्च फायबर रक्तांतली साखर नियंत्रित करपाक मजत करता. हाका लागून हें साखरेच्या वेवस्थापनांतूय फायद्याचें आसा. फोलेटाक लागून हें गुरवारपणावेली भलायकी सुदारपाक मजत करता.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
