भांगरभूंय | प्रतिनिधी
भांगरभूंय । प्रतिनिधी
केरी-सत्तरीः फोंडेंच्या खेळां संकुलांत जाल्ले राज्य पांवड्या वयले विद्यालयीन ज्युडो सर्तींत पर्येच्या श्री भूमिका उच्च माध्यमीक विद्यालयाचो पंगड उपजैतिवंत थारलो.
सर्तींर राज गांवकार आनी श्रेयस सरप हांणी आपल्या वजन गटांत भांगरा पदक जाल्यार संजय माळीन रुप्या पदक मेळयलें. झिदान बेग आनी प्रार्थना काळभोव हांणी कांस्या पदका मेळयलीं.
चलयांच्या गटांत 4 रुप्याचीं आनी 4 कांस्या पदक जिखलीं. प्रांजल गांवकार, रेश्मी म्हालकर,निकिता नायक,रोशनी वाडकार हांणी रुप्या पदकां जाल्यार विधी हिंदे,माली फालो,निकिता देसाय आनी ललिना सिंग हांणी कांस्या पदका मेळयलीं. विद्यालयाचो पीटी शिक्षक अमोल वझे हांणी तांकां प्रशिक्षीत केल्लें. श्री भूमिका शिक्षण संस्थेचो अध्यक्ष प्रतापसिंह राणे, प्राचार्य यशवंत सावंत, उपप्राचार्य रावसाहेब राणे आनी पालकांनी विद्यार्थ्यांक परबीं भेटयलीं.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
