भांगरभूंय | प्रतिनिधी
मेरठ- उत्तरप्रदेशांतली घडणुक
मेरठ, खबरां संस्था ः बारावेच्या एका भुरग्याक ताच्याच इश्टांनी बडयलो आनी एकलो ताच्या तोंडार मुतलो. हे घडणुकेचो व्हिडियो सोशल माडियाचेर व्हायरल जाला. मेरठ- उत्तरप्रदेशांत घडिल्ली ही घडणुक. हे प्रकरणा विशीं भुरग्यांच्या बापायन केल्ले कागाळी उपरांत पुलिसांनी सात जाणां आड गुन्यांव नोंद केलां. तांतूतल्या एकल्याक अटक केल्यां. अवि शर्मा, आशिष मलिक, राज, मोहित ठाकूर आनी हेर जाणां आड गुन्यांव नोंद करुन आशिष हाका अटक केल्या.
प्रकरण कितें?
व्हायरल व्हिडियोंत कांय तरणाटे विद्यार्थ्याक मारतना दिसतात. जाल्यार व्हिडियो दोग जाण रेकॉर्ड करतात. विद्यार्थी विनवणी करता आसतना एका तरणाट्यान ताचे फाटीर आनी तकलेक मारले. जाल्यार दुसऱ्या व्हिडियोंत आनीक एक तरणाटो विद्यार्थ्याच्या तोंडार मुतलो अशें दिसता.
सोयऱ्यांच्या घरांतल्यान परत येताना तरणाट्यांच्या पंगडान ताचे अपहरण केले. ते उपरांत ताका अनवळखी सुवातेर व्हरून मारपेठ केली अशें पिडेस्ताच्या बापायन सांगलें.
तो घरा परत येवंक नाशिल्ल्यान ताच्या कुटुंबान रातभर ताका सोदलो. पूण, दुसऱ्या दिसा सकाळीं तो घरा आयलो आनी घडिल्लो प्रकार कुटुंबाक सांगलो. हाचे उपरांत कुटुंबान तरणाट्यां आड पुलिशेंत कागाळ दाखल केली. पूण, पुलिसांनी कसलीच कारवाय करूंक ना असो आरोप बापायन केलो. परतून कुटुंब पुलिशेंत गेले. तेन्ना पुलिसांनी तरणाट्या आड गुन्यांव नोंद केलो. मजगतीं, मारपेट करपी तरणाटे हे पिडेस्त विद्यार्थ्याचे इश्ट आसात. पूण, तांचे मदीं कसलोच वाद ना अशें कुटुंबांन सांगलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
