भांगरभूंय | प्रतिनिधी
ना फायदो, ना लुकसाण तत्वाचेर काम करपी प्रथम बुक्साच्या स्टोरीवीव्हरान लाखांनी भुरग्यांक नेमान वाचपाक मेळचें म्हूण आपलो #GetChildrenReading उपक्रम (http://bit.ly/3lgtc9N) सुरू केला.
संवसारीक कथा सांगपाचो दीस 2023 चो विशय आशिल्लो ‘एकठांय आमी करूंक शकतात’. समाजांक एकठांय हाडून आपल्या भोंवतणच्या भुरग्यां मदीं आनंदान वाचपाची संवय तयार जावची हे खातीर ही गेट चिल्ड्रन रिडिंग मोहीम सुरू केल्या.
भुरग्यांच्या पुस्तकांत भाशीक विविधतायेचो उणाव आनी पुस्तकां फुकट वाचपाक मेळनात, हो वाचन आनी शिकपाचो आजीवन मोग निर्माण करपी एक मुखेल आडखळ. स्टोरीव्हिवर (www.storyweaver.org.in) हो भारतांतलो पयलो मुक्त स्रोत, बहुभाषी भुरग्यांच्या कथापुस्तकांचें डिजिटल भंडार हें अंतर उणें करपाक मजत करता.
गोंय शिक्षण संचालनालय, समग्र शिक्षा अभियान, छत्तीसगड सारकिल्ले भागीदार आनी शेअर अ बुक फावंडेशन, राजस्थान आनी आझाद इंडिया फावंडेशन, किशनगंज, बिहार सारकिल्ले एनजीओ हे उपक्रम मुखार व्हरतात. आनी पयले कांय वाचन सत्र गोंय, राजस्थान आनी बिहारांतल्या शाळांनी घडोवन हाडल्यात. गोंयच्या एससीईआरटीचे संचालक नागराज जी होन्नेकेरी हांणी म्हणलें “भुरगीं जेन्ना आपले भोंवतणी कोण तरी दिसाळें, पुस्तक वाचता तें पळोवन आपूण वाचपाक लागतात. प्रथम बुक्स स्टोरीव्हीवर आनी #GetChildrenReading उपक्रमा वांगडा शाळेंत आनी घरांत भुरग्याक तांच्या आवयभाशेंतल्या कथां कडेन पावपाक आमी उत्सुक आसात, जीं तांकां आवडटलीं.”
प्रथम बुक्स गोंयच्या शिक्षण संचालनालयाचो भागीदार आसा. ‘गोंय वाचता’ उपक्रम, राज्यभरांतल्या 1200 शाळांनी सुरू जातलो. इंडस टॉवर्साच्या आदारान हो उपक्रम राज्यभरांतल्या तरणाट्यांचे वाचनाचे संस्कार करतलो. सरकारी शाळांनी, राज्य सरकाराच्या आदारान चलपी शाळांनी आनी खाजगी स्वतंत्र शाळांनी तो उपक्रम चलतलो. ‘गोंय वाचता’ चो मुखेल हेत म्हळ्यार विद्यार्थ्यां मदीं वाचन संवय वाडोवप. राष्ट्रीय शिक्षण धोरण (2020) आनी निपुन भारत मार्गदर्शक तत्वां प्रमाण आशिल्ल्या ह्या उपक्रमांतल्यान शाळा आनी शिक्षकांक इंग्लीश आनी मराठी कथापुस्तकांचें व्हड भंडार मेळटलें. प्रथम पुस्तकां वाचन कार्यावळी वरवीं 1 ते 8 यत्तां मेरेन शिकप्यांक फायदो जातलो. तशेंच प्रथम बुक्स कडल्यान लायब्ररी- इन- ए-क्लासरूम आशिल्ल्या वर्गांत शारिरीक वाचन कोनशे स्थापन करतले.
प्रथम बुक्स स्टोरीव्हीवराची वरिश्ठ संचालक पूर्वी शाह हांणी सांगलें, “कथा भुरग्याचे वाडीचो आनी विकासाचो म्हत्वाचो भाग. भुरग्याच्या संवसारांत नव्या उतरांची आनी विचारांची वळख करून दितात. #GetChildrenReading उपक्रमान पर्यावरण यंत्रणेंतल्या सगळ्यांक आमचे वांगडा आपोवन वाचपाची एक चळवळ तयार करपाक आमी उत्सुक आसात. आमी सगळे मेळून एक रीडिंग इंडिया बांदूंक शकतात, एक काणी एका वेळार.”
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
