भांगरभूंय | प्रतिनिधी
दिवचल राधाकृष्ण विद्यालयाची पालक शिक्षक संघाची बसका दबाज्यान
पणजी: भौतीक गजाली परस भुरग्यांचो भावनीक वा मानसीक विकास कसो जातलो हाचेर चड लक्ष केंद्रीत करप गरजेचें आसा. अशें केल्ल्यान पालक आनी भुरग्यां मदलें नातें घटमूट जाता अशें दिवचलच्या राधाकृष्ण विद्यालयाच्या पालक शिक्षक संघ मेळाव्यांत विद्याधर शिरोडकार हांणी सांगलें.
ह्या वेळार माचयेर संस्थेचे अध्यक्ष विद्याधर शिरोडकार, उपाध्यक्ष यशवंत गांवस, सचीव राजन कडकडे, पालक शिक्षक संघाचे अस्तंते अध्यक्ष उदय डिचोलकार, अनील उजगांवकार, रंजना गावडे, संजय तलवार, शाळेच्यो मुख्याध्यापिका हेमा निशांत चणेकार हाजीर आशिल्ले.
पालक शिक्षक संघाचे बसकेंत अंदूं धावीचे परिक्षेंत पास जाल्ल्या विद्यार्थ्यांचो भोवमान सुवाळो जालो. हातूंत सर्वदा पेडणेंकार, निलेश सावंत, सानिया उजगांवकार, संजीत सहानी, सार्थक डिचोलकार, सुनिता बारोखुशबू लखारा आनी मनप्रीत कौर हांचो आस्पाव आशिल्लो.
तशेंच शाळेच्या आदल्या विद्यार्थ्यांनी बारावी परिक्षेंत येस मेळयिल्ले खातीर विद्यार्थी अर्पिता सिंग परणिता पुरोहीत आनी भाग्यश्री परमाज हांचोय भोवमान केलो. तशेंच पालक शिक्षक संघाचे समितीचेर खूबशीं वर्सां योगदान दिल्ले खातीर उदय डिचोलकार आनी अनील उजगांवकार हांचोय भोवमान पालक शिक्षक संघा वतीन केलो.
उदय डिचोलकार हांणी येवकार दिलो. शाळेचो अहवाल मुख्याध्यापिका हेमा निशांत चणेकार हांणी सादर केलो. सभेचें इतिवृत्त सचीव वर्षा धुपकार हांणी सादर केलें. शाळेच्यो समुपदेशक विभा गोवेकार आनी शिक्षक रौफ खान पठाण हांणी पालकांक मार्गदर्शन केलें. जाल्यार उपकार अनीशा परमेकार हांणी मानले. कार्यावळीचें सुत्रसंचालन शिक्षक विद्याधर उत्तम रावत हांणी केलें.
2024-27 वर्साची नवी समिती
अध्यक्ष- रंजना गावडे, उपाध्यक्ष- बाबाजी गावडे, सचीव- वर्षा धुपकार, भांडारी- हिमा निशांत चणेकार. वांगडी- संजय तलवार, स्नेहा धारगळकार, बाबाजी गांवकार, विद्याधर रावत, मनाद वांगडी- उदय डिचोलकर आनी अनील उजगांवकार.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
