भांगरभूंय | प्रतिनिधी
दिवचल: भुरग्यांचे पिरायेंत जाल्ले संस्कार मुखा वेले जिणे खातीर मार्गदर्शक थारतात अशें उलोवप लाटंबार्से जिल्हो पंचायत वांगडी प्रदीप रेवडकार हांणी केलें.
रेवडकार सम्राट क्लब लाटंबार्से हांणी आयोजीत केल्ल्या बाल संस्कार शिबिरांत मुखेल सोयरे म्हूण उलयताले.
हें शिबीर हालींच मुळगांव शिवलकारवाड्या वेल्या श्रीराष्ट्रोळी ब्राह्मण देवळाच्या सभाघरांत जालें.
ह्या वेळार माचयेर मुळगांवचे उपसरपंच गजानन मांद्रेंकार, पंच वांगडी सुहासिनी गोवेकार, सम्राट क्लब लाटंबार्सेचे अध्यक्ष सम्राट तुळशीदास शिरोडकार, उपाध्यक्ष सम्राट अवधूत नायक, सम्राट मुकूंद लामगांवकार, कार्यावळ मुखेली सम्राट किर्ती वांगणकार, सचीव निर्मला शिरगांवकार, शिबीर प्रशिक्षक दशरथ मोरजकार, बाबनी मापारी, स्नेहा गांवस हे मानेस्त हाजीर आशिल्ले. मानेस्तांचे हस्तुकीं दिवली पेटोवन शिबिराचें उक्तावण केलें.
शिबीर प्रशिक्षक मोरजकार, बाबनी मापारी आनी स्नेहा गांवस हांणी विवीध खेळ, पदां आनी काणयो सांगून भुरग्यांक संस्काराचे म्हत्व सांगलें.
समारोप सुवाळ्यांत वांटेकार जाल्ल्या भुरग्यांक मानेस्तांचे हस्तुकीं प्रमाणपत्रां भेटयलीं.
सुत्रसंचालन किर्ती वायंगणकार आनी निर्मला शिरगांवकार हांणी केलें. तुळशीदास शिरोडकार हांणी उपकार मानले.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
