भांगरभूंय | प्रतिनिधी
भांगरभूंय । प्रतिनिधी
म्हापशेंः आपल्या सान भुरग्यांक जबरदस्ती करून भीक मागपाक लावपी आनी तांची सुटका करतल्याक गाळयो सोवूम मारपेट करपी गोपिनाथ बापू काळे ( म्हापशें, मूळ सोलापूर) ह्या बापाय आड म्हापशे पुलीस स्टेशनांत गुन्यांव नोद केला. पुलिसांनी दिल्ले म्हायती प्रमाण ही घडणकू सोमराक राती 8.30च्या सुमाराक म्हापशें कदंब बसस्टॅण्डार जाली. बापायन आपल्या आठ आनी पांच वर्सां पिरायेच्या भुरग्यांक भीग मागपाक सांगल्लें.
ही म्हायती मेळटगीर चाईल्ड लायन ह्या संस्थेची वांगडी मायरा फर्नांडीस हिणे ताका आक्षेप घेतलो आनी पुलिसांक हाडून दोनूय भुरग्यांची सुटका केली. ताका लागून गोपिनाथ हाणे फर्नांडीस हिका गाळयो सोंवून मारपेट केली. तातूंत ताका दुखापत जाली. पुलिसानी इंडियन पीनल कोडच्या कलम 504, 332 आनी 353 तशेंच बाल हक्क कायद्याच्या कलमा खाताली गुन्यांव नोंद केलो. पुलिसांनी भुरग्यांक मेरशेच्या बाल सुधारघरांत धाडलां. उपनिरीक्षक विराज कोरगांवकार फुडलो तपास करता.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
