भांगरभूंय | प्रतिनिधी
वाळपय: वाळपय होंंडा मार्गार बुधवारा फांतोडेर भुंयपाले झाड पडिल्ल्यान येरादारी ठप्प जाली. वाळपय उजो पालोवपी दळाच्या जवानांनी ताकतिकेन घडणूक थळार धांव घेवन हें झाड कुशीक काडलें. हाका लागून एका वरा उपरांत येरादारी आशिल्ली तशी परतून सुरळीत जाली. ह्या वेळार पुलिसांनी म्हत्वाची भुमिका वठयली.
बुधवारा फांतोडेर 4 वरांच्या सुमाराक वाळपय- होंडा मार्गा वेल्या भुंयपाले रस्त्याचे कुशीक आशिल्लें. झाड अचकीत पडलें. हाका लागून हो रस्तो येरादारी खातीर बंद जालो. हाका लागून वाहन चालकांची धांदळ जाली. हे विशींची खबर उजो पालोवपी दळाच्या जवानांक मेळ्ळे उपरांत तांणी ताकतिकेन धांव घेवन एका वरां उपरांत झाड कुशीक काडलें आनी येरादारी परतून आशिल्ली तशी सुरू केली.
ह्या वेळार येरादारीचें नियोजन करपा खातीर वाळपय पुलीस स्टेशनाचे कर्मचारी घडणूक थळार हाजीर आशिल्ले.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
