भांगरभूंय | प्रतिनिधी
भांगरभूंय । प्रतिनिधी
दिवचलः महाराष्ट्रांतल्या महाराष्ट्र राज्य समता साहित्य अकादमी वतीन गोंयचे नाट्य कलाकार आनी दिग्दर्शक भालचंद्र उसगांवकार हाची राष्ट्रीय रंगमाची पुरस्कारा खातीर निवड केल्या. दर वर्सा वेगवेगळ्या मळांतल्या 12 जाणांक अकादमी वतीन पुरस्कार दितात.
उसगांवकार हाका गोंयांतल्या ताच्या रंगमाचे वयल्या वावराची दखल घेवन पुरस्कारा खातीर ताची निवड केल्या.
भालचंद्र उसगांवकारान ययाती आनी देवयानी, छत्रपती शिवाजी महाराज, कॅप्टन रॉबर्ट, संशय़कल्लोळ, एकच प्याला, कस्तुरीमृग, नटसम्राट अशा जायत्या नाटकांनी वेगवेगळ्यो भूमिका केल्यात. गोंय तशेंच महाराष्ट्रांतल्या दिग्गज रंगकर्मी कडेन तांचे संबंद आसात.
सन्मानपत्र, शाल, श्रीफळ आनी रोख रक्कम अशें ह्या पुरस्काराचें स्वरुप आसा. पुरस्कार भेटवण कार्यावळ शेनवार 30 डिसेंबराक सकाळीं 10.30 वरांचेर परळ- मुंबय हागच्या डॉ शिरोडकार यादस्तीक सभाघरांत जातली.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
