भांगरभूंय | प्रतिनिधी
नवी दिल्ली, खबरां संस्था: भारतीय लश्कराची संरक्षण तांक वाडोवपा खातीर संरक्षण मंत्रालयान बुधवारा ६,९०० कोटी रुपयांची कबलात केली. हाचे खाला, आतां ३०७ ऍडव्हान्स्ड टोव्ड आर्टिलरी गन सिस्टम (ATAGS) म्हणल्यार हॉवित्झर तोफ घेतले. इतल्या व्हड प्रमाणांत स्वदेशी तोफो विकत्यो घेवपाचो हो पयलोच वेळ.
ही कबलात भारत फोर्ज आनी टाटा ऍडव्हान्स्ड सिस्टम्स वांगडा केल्या. हातूंत भारत फोर्ज ६०% तोफ तयार करतले, जाल्यार टाटा ऍडव्हान्स्ड सिस्टम्स ४०% उत्पादन करतले.
ऍडव्हान्स्ड टोव्ड आर्टिलरी गन सिस्टीम ही एक टोव्ड गन. म्हणल्यार ट्रकान ओडून व्हरपाची तोफ. तशेंच, फारपेट केले उपरांत बोफोर्स प्रमाण, ती स्वता कांय अंतराचेर वचपाक शकता. हे तोफेचो कॅलिबर १५५ मिमी आसा. हाचो अर्थ, हे आधुनीक तोफेंतल्यान १५५ मिमीचे गुळे सोडपाक मेळटात.
ATAGS क हॉवित्झर अशेंय म्हणटात. हॉवित्झर ह्यो ल्हान तोफो. खरें म्हणल्यार दुसर्या महाझुजा मेरेन आनी ताचे उपरांतूय झुजांत व्हड आनी जड तोफो वापरताले. तांकां पयस अंतरावेल्यान व्हरपाक आनी उंचायेर तैनात करपाक व्हड आडमेळीं येतालीं. अशे परिस्थितींत, हलक्या आनी ल्हान तोफो केल्यो, जांकां हॉवित्झर म्हणटात.
देसी बोफोर्स
ही तोफ डीआरडीओच्या पुणे हांगच्या प्रयोगशाळेंत एआरडीईन भारत फोर्ज लिमिटेड, महिंद्रा डिफेन्स नेव्हल सिस्टम्स, टाटा पॉवर स्ट्रॅटेजिक अँड ऑर्डनन्स फॅक्टरी बोर्ड हांच्या सहकार्यान विकसीत केल्या. ताचें उदरगतीचें काम २०१३ त सुरू जालें आनी पयली येसस्वी चाचणी १४ जुलय २०१६ दिसा घेतली. हे तोफेचो वापर बोफोर्स तोफे वरींच आसा, म्हणून तिका देशी बोफोर्स अशें म्हणटात.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
