भांगरभूंय | प्रतिनिधी
भांगरभूंय । प्रतिनिधी
केरी-सत्तरीः भारत स्कावट आनी गायड गोंय राज्या हांच्चे वतीन दिवचल- सत्तरींतल्या स्कावट आनी गायड विद्यार्थ्यांचो मेळावो गोविंदनगर बोर्डें हांगा जालो. तातूंत तालुक्यांतल्या बालवीर आनी वीरबालांनी वांटो घेतलो. ह्या वेळार तरेकवार सर्ती आनी कार्यावळी जाल्यो. उक्तावण कार्यावळीक दिवचलचो उद्देजक सुदत्त मांद्रेका आनी अविन नायक हाजीर आशिल्ले.
स्कावट गायडाचे प्रांत आयुक्त प्रशांच चणेकारान हजर आशिल्ल्यांक येवकार दिलो. विद्यार्थ्यांचे जडणघडणीत शिक्षणा वांगडा अशे तरेच्या शिबिरांचो उपेग जाता. समाजांत आपली सुवात तयार करपा खातीर शिक्षणा वांगडा व्यक्तिमत्व उदरगत अश्या शिबिरांतल्या हातासपाक जातात अशें सुदत्त मांद्रेकारान सांगले.
दुसऱ्या सत्रांत ज्येश्ठ संगीत शिक्षक सुदन फडतेन संगीत विशयाचेर मार्गदर्शन केलें. विद्यार्थ्यांक तांणे कांय गीतां शिकयलीं. विजयानंद हायस्कूलच्या स्कावट- गायडानी घोशणा तयार करप, अवर लेडी आनी विजयानंद हायस्कूलान प्रार्थना, शांतादुर्गा आनी विजयानंत हायस्कूलान तंबू उबारपांत इनाम मेळयलें.
गोंय शालांत मंडळाचो उपाध्यक्ष रुपेश ठाणेकार समारोप कार्यावळींत मुखेल सोयरे म्हणून हाजीर आशिल्लो. शांतादुर्गा, दिवचल, अवर लेडी ऑफ ग्रेस,- दिवचल आनी विजयानंद हायस्कूल- तिखाजन, मये हांका उत्कृश्ठ शाळा म्हणून इनामां मेळ्ळीं. स्वाती मळीकार अहवाल सादर केलो आनी शुभदा डिचोलकारान उपकार मानले.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
