भांगरभूंय | प्रतिनिधी
कोलंबो, खबरां संस्था: भारताचे परराष्ट्र मंत्री एस. जयशंकर हांणी आयतारा राष्ट्रपती रानिल विक्रमसिंघे हांची भेट घेतली. हे भेटी वेळार द्विपक्षीय सहकार्य वाडोवपाचेर भर दिली. ह्या वेळार ऊर्जा मळार सहकार्य, जुंवो मुळावी सुविधा, विमान येरादारी, भलायकी, जेवण तशें सुरक्षितताय, शिक्षण आनी पर्यटन मळ तशेंच हेर जायत्या गजालींच्या सहकार्या विशीं चर्चा केली. भारत आणी श्रीलंका हांचे मदीं घट्ट आनी इश्टागतीचें नातें वाडोवपाचेर भर दिली.
तशेंच भारत आनी श्रीलंका हांकां जोडपा खातीर दर्यांत सेतू बांदपाची तयारी सुरू आसा. भारत आनी श्रीलंका हांचे मदलें प्रस्तावीत भू-लिंक विशीं अभ्यास निमाण्या टप्प्यांत आसा, अशें श्रीलंकेचे राष्ट्रपती रानिल विक्रमसिंघे हांणी सांगलें.
ह्या वेळार विक्रमसिंघे हांणी प्रधानमंत्री नरेंद्र मोदी हांकां परबीं भेटयलीं. जयशंकर हांणी पगधानमंत्री दिनेश गुणवर्धने हांचीय भेट घेतली आनी भारताच्या घटमूट समर्थनाचा विशीं सांगलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
