भांगरभूंय | प्रतिनिधी
भारत आनी वॅस्ट इंडीज ह्या पंगडां मदीं आयच्यान तीन मॅचींचे वन डे माळेक सुरवात जाता. हाचे आदीं जाल्ली टॅस्ट माळ भारतान 1-0 अशा फरकान जिखल्या. वन डे माळेंत लेगीत भारताचें दालें जड दिसता. इतिहासाचेर नदर मारली जाल्यार वॅस्ट इंडिजाक फाटल्या 17 वर्सां सावन एकूय द्विपक्षीय माळ जिखपाक जमूंक ना.
भारत आनी वॅस्ट इंडीज ह्या पंगडां मदीं पयली माळ 9 मार्च 1983त द्विपक्षीय वन डे माळ जाल्ली. ती माळ वॅस्ट इंडीजान 2-1 फरकान जिखिल्ली. त्या वेळार वॅस्ट इंडीजा सारक्या बळिश्ट पंगडा मुखार भारताचें कांयच शाणपण चलनाशिल्लें. 1989 मेरेन वॅस्ट इंडीजान सेगीत पांच वन डे माळो जिखिल्ल्यो. ते उपरांत 1994त भारतान पयले वॅस्ट इंडिजा आड द्विपक्षीय माळ जिखिल्ली. त्या वेळार भारतान 4-1 फरकान माळ बोल्सांत उडयिल्ली. 2006त वॅस्ट इंडीजा आड भरत निमाणे खेपे हारिल्लो. ते उपरांत भारत सेगीत 12 माळो जिखला. खंयच्याय एका पंगडाक सेगीत हारोवपाचो हो संवसारीक विक्रम आसा.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
