भांगरभूंय | प्रतिनिधी
देशाचे सुरक्षेचे नदरेन सरकाराचो निर्णय ः अमित शाह
नवी दिल्ली, खबरां संस्था ः देशाचे सुरक्षेचे नदरेन भारत सरकारान कांय दिसां आदीं व्हडलो निर्णय घेतलो. हाचे प्रमाण भारत-म्यानमारच्या शिमेचेर तब्बल 1643 किलोमिटराचें दुरीग उबारतले. आतां ताचे परस सरकारान आनीक एक निर्णय घेतला. ते प्रमाण फ्री मुव्हमेंट रिजीम म्हळ्यार ‘मुक्त संचार व्यवस्था’ कबलात रद्द करपाचो निर्णय घेतला.
केंद्रीय गृहमंत्रीअमित शाह हांणी हे संबंदी ‘एक्स’चेर म्हायती दिली. तांणी सांगलें, देशाची अंतर्गत सुरक्षा सुनिश्चीत करपा खातीर आनी म्यानमारच्या शिमेचेर आशिल्ल्या भारताच्या ईशान्य राज्यांची लोकसंख्याशास्त्रीय रचणूक तिगोवन दवरपा खातीर भारत आनी म्यानमार हांचे मदली फ्री मूव्हमेंट रेजिम (FMR) रद्द करपाचो निर्णय गृह मंत्रालयान घेतला. सध्या परराश्ट्र मंत्रालय तें रद्द करपाचे प्रक्रियेंत आशिल्ल्यान गृह मंत्रालयान फ्री मूव्हमेंट रेजिम बेगोबेग निलंबित करपाची शिफारस केल्या.
एफएमआर (FMR) म्हणल्यार कितें?
भारत आनी म्यानमार हांचेमदीं 1643 किलोमिटराची शीम आसा. हे शिमेचेर मिझोराम, मणिपूर, नागालँड आनी अरुणाचल प्रदेश ही चार राज्यां आसात. दोनूय देशांनी 1970 वर्सा मुक्त संचारण वेवस्था (FMR) कबलातीक मान्यताय दिली. ताका लागून शिम वाठारांतल्या आदिवासींक व्हिसा नासतना दोनूय देशांमदीं 16 किमी. मेरेन मुक्तपणान प्रवास करपाची मेकळीक दिली. पूण आतां ही कबलात रद्द केला.
म्यानमारांत बंडखोर पंगड आनी लश्करां मदीं संघर्श सुरु आसा. तशेंच नोव्हेंबर म्हयन्यांत भारतांत सुमार 600 सैनिकांनी प्रवेश केलो. ह्या प्रकरणांत मिजोरम सरकारान केंद्र सरकारा कडेन मजत मागिल्ली. तशेंच सप्टेंबर म्हयन्यांत मणिपूरच्या मुख्यमंत्र्यान बेकायदेशीर घुसखोरी आडावपा खातीर एफएमआर पद्दत रद्द करपाची शिफारस गृह मंत्रालयाक केल्ली.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
