भांगरभूंय | प्रतिनिधी
संवसारीक टी-20 क्रिकेट सर्तीचे सेमी फायनलींत हारल्या उपरांत हार्दिक पांड्याच्या फुडारपणाखाला युवा भारतीय पंगड वॅलिंग्टनांत सुरू जावपी तीन मॅचींचे टी-20 माळेंत आपलो ठसो उमठोवपाक इत्सूक आशिल्लो. पूण, पावसाक लागून ही मॅच रद्द करची पडली आनी हाका लागून ही इत्सा मुखार धुकाल्ली. दुसरी मॅच 20 नोव्हेंबराक मावण्ट मावंगानुईंत जातली.
भारताच्या पंगडान फाटल्या दोन वर्सांनी टी-20 प्रकारांतल्यो दोन संवसारीक सर्ती खेळ्ळा. पण, चुकांनी तांणी धडो घेवंक ना. 2021त युएईंत जाल्ले संवसारीक टी-20 सर्तींत ताचें आव्हान पयलेच फेरयेंत सोंपिल्लें. जाल्यार ऑस्ट्रेलियेंत हालींच सोंपिल्ले संवसारीक सर्तीचे सेमी फायनलींत ताका इंग्लंडा आड 10 विकेटींनी लजेक पडपी हार घेवची पडिल्ली. ताका लागून 2024त वॅस्ट इंडिजांत जावपी संवसारीक टी-20 सर्तीची तयारी न्युझिलॅण्डा आडचे लडती वरवीं सुरू जातली आशिल्ली.पूण, ही मॅच पावसाक रद्द जाल्ल्यान आतां आनीक मात्शी वाट पळोवची पडटली. न्युझिलॅण्डा आडचे माळेंत भारताचो नवो मुखेली हार्दिक पांड्याचो कस लागतलो हें मात निश्चीत आसा.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
