भांगरभूंय | प्रतिनिधी
संवसारीक टी-20 सर्तींतल्या अ गटांतली भारत आनी कॅनडा ह्या पंगडां मदली मॅच पावसाक लागून रद्द करची पडली. मॅचींत एक लेगीत बॉल घालपाक मेळूंक ना.
मॅच भारताच्या वेळा प्रमाण रातच्या आठ वरांचेर सुरू जावपाची आशिल्ली. पूण, पावस चालू आशिल्ल्यान टॉस जालो ना.
पावस थांबल्या उपरांत मैदाना वयल्या कर्मचाऱ्यांनी मैदान सुकोवपा खातीर खर मेहनत घेतली ताका लागून अंपायरांनी भारतीय वेळा प्रमाण रातच्या णव वरांचेर मैदानाचें निरीक्षण करपाचें थारायलें. पूण, परतून पावस आयलो आनी मैदान परतून ओलें जाल्ल्यान मॅच रद्द करची पडली आनी दोनूय पंगडांक एकेक गूण फावो जालो.
भारतान पयलींच सुपर आठांतली आपली सुवात निश्चीत केल्या, जाल्यार कॅनडाचें आव्हान सोंपलां.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
