भांगरभूंय | प्रतिनिधी
भारत आयज संवसारीक टी-20 क्रिकेट सर्तीच्या सुपर 12तली आपली दुसरी मॅच नॅदरलॅण्डा आड खेळटलो. भारत पयले खेपे नॅदरलॅण्डा आड खेळटलो. पूण, पावसाचें सांवट मॅचीचेर आसा.
नॅदरलॅण्डाक पयले मॅचींत बांगलादेशा कडल्यान हारला. पूण ताका उणो लेखपाची चूक भारताक म्हारग पडुये. पात्रताय फेरयेंत नॅदरलॅण्डान युएई आनी नामिबिया हांकां हारोवन सुपर 12क पात्र जाला. सुपर 12त नॅदरलॅण्डाच्या बॉलरांनी बांगलादेशाक निर्धारीत 20 ओव्हरींनी 144 धांवड्यांचेर आयिल्लो. पूण, अखेरेक कशे भशेन बांगलादेशान 9 धांवड्यांनी जैत जोडपाक येसस्वी थारिल्लो.
सिडनी क्रिकेट मैदानाची खेळपट्टी बॅट्समनांक मजत करपी आसता अशें जाणकार मानतात. ताका लागून धांवड्यांचो पावस पडुये.
मॅच भारतीय वेळा प्रमाण दनपारां 12 वरांचेर सुरू जातली. आयचे मॅची खातीर भारताच्या पंगडांत व्हड बदल जातलो अशी शक्यताय उणीच आसा. पाकिस्ताना आड खेळिल्लोच पंगड खेळटलो अशी चर्चा आसा.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
