भांगरभूंय | प्रतिनिधी
खबरां संस्था
दुबयः एसीसी मेन्स इमर्जींक टीम्स आशिया कप सर्तीचे तिसरे मॅचींत भारत अ पंगडान यूएई अ पंगडाक 8 विकेटींनी हारयलें. भारताचो कॅप्टन यश धुल हांणे नाबाद (108) शेकडो केलो. यूएई पंगडान 50 ओव्हरींत 176 धांवड्याचें लक्ष्य दवोरल्लें. जाप दितना भारतान 26.3 ओव्हरींत दोन गडी वोगडावन जैत मेळयलें.
भारता वतीन निकिन जोसान नाबाद 41 धांवड्याची म्हत्वाची खेळी केली. साई सुदर्शन (8) आनी अभिषेक शर्मा (19) हे ओपनर सवाय भितर आवट जाले. य़शान कॅप्टनाक सोबशी खेळी करून 85 बॉलांत 20 चौके आनी एक सक्यान 108 धांवड्यो केल्यो. निकिनान 53 बॉलांत 5 चौक्यांनी 41 धावंड्यो केल्यो.
यूएई पंगड 50 ओव्हरींत 9 आवट 175 धांवड्यो करपाक शकलो. ओपनर आर्यांश शर्मान 42 बॉलांत 7 चौक्यांनी 38 धांवड्यो केल्यो. कॅप्टन वाल्थापा चिदंबरमान 107 बॉलांत 46 धांवड्यो केल्यो. विशेश म्हणल्यार तातूंत एकूय चौको नाशिल्लो. मोहम्मद फराजुद्दीना 35 धांवड्यो केल्यो. हे खेळगडे सोडल्यार बाकीचे चड वेळ टिकाव धरपाक शकले नात. भारता वतीन हर्षित राणान 9 ओव्हरींत 41 धांवड्यो दिवंन 4 विकेटी घेतल्यो. नितीश रेड्डीन आनी. मानव सुधारान दरेकी 2 विकेटी घेतल्यो. आकाश सिंगान एक विकेट मेळ्ळी.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
