भांगरभूंय | प्रतिनिधी
18 वर्सां उपरांत अमेरिकेच्या प्रशासनाची मान्यताय
नवी दिल्ली, खबरां संस्था ः अमेरिकेच्या उर्जा विभागान (DoE) एका अमेरिकन कंपनीक भारतांत अणुऊर्जा प्रकल्पाची संयुक्तपणान रचना आनी बांदावळ करपाची निमाणी मान्यताय दिल्या. भारत आनी अमेरिके मदीं 2007 वर्सा जाल्ल्या नागरी अणुकेंद्रीय कबलाती खाला ही मान्यताय मेळ्ळी.
आतां मेरेन भारत-अमेरिका नागरी अणुकेंद्रीय कबलाती प्रमाण अमेरिकन कंपनीं भारताक अणुभट्ट्यो आनी उपकरणां निर्यात करपाक शकताली. पूण भारतांत खंयचेंय डिझायन काम वा अणु उपकरणां तयार करपाक बंदी आशिल्ली.
डिझायन, उत्पादन आनी तंत्रगिन्यानाचें हस्तांतरण पसून सगळें भारतांत करचें असो भारतान सातत्यान आग्रह धरलां.
ल्हान मॉड्यूलर अणुभट्टी उबारतले
अमेरिका आनी भारतीय कंपनीं आतां संयुक्तपणान स्मॉल मॉड्यूलर रिअॅक्टर (SMR) तयार करतले आनी तशेंच ताचे सगळे घटक आनी भाग सह-उत्पादन करतले. हें भारताचें व्हडलें राजनैतिक जैत म्हणून पळयतात.
पूण संयुक्तपणान डिझायन केल्ले आनी तयार केल्ले अणुभट्टे अमेरिकेच्या सरकाराचे पूर्व लेखी संमती बगर भारतांत वा अमेरिके भायर हेर खंयच्याय देशांत परतून हस्तांतरीत करचे नात अशी अमेरिकेन अट घाल्या.
भारताक ह्या कारणांक लागून व्हड अणुऊर्जा प्रकल्पां बदला ल्हान अणुऊर्जा प्रकल्प बांदपाची इत्सा आसा
० संवसारांतले देश भारताचेर कार्बन उत्सर्जन शून्य साध्य करपाक आनी कोळसो उणो वापरपाक चेंपण हाडटात. चीना उपरांत भारतांत वीज निर्मिती खातीर सगळ्यांत चड कोळशाचो वापर जाता.
० ह्या कारणाक लागून भारताक अशा ल्हान अणुभट्ट्यां वरवीं वीज तयार करपाची आसा. कोळशाचेर चलपी अणुभट्टीचे तुळेंत तें 7 पटींनी उणें कार्बन उत्सर्जन करता.
० एसएमआर डिझायन करप आनी बांदप सोंपें आसा. तें खंयच्याय पॉवर प्लांटच्या ग्रिडा कडेन जोडूंक मेळटा. हाचे खातीर वेगळो पॉवर ग्रिड बांदपाची गरज ना.
० भारतांतल्या अणुऊर्जा प्रकल्पांखातीर जमन संपादन हें एक व्हड आव्हान आसा. ह्या प्रकाराचो प्लांट तारवाचेर वा व्हड वाहनांतय लावंक मेळटा. अशे तरेन उण्यांत वेळात ल्हान अणुऊर्जा प्रकल्प उबारप शक्य जातलें.
० रशियेन अशा प्लांट खातीर भारताक प्रगत तंत्रगिन्यान दिवपाची घोशणा केल्या.
० भारताची वीज मागणी 2050 मेरेन 80%-150% वाडपाची अपेक्षा आशिल्ल्यान एसएमआर हो एक प्लांट जाचे वरवीं दरेक शार वा कंपनी स्वता खातीर वीज तयार करूंक शकता.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
