भांगरभूंय | प्रतिनिधी
भांगरभूंय । प्रतिनिधी
सावयवेरेंः आर्ल- केरी हांगच्या प्राथमीक शाळेची मुख्याध्यापिका भारती नायक हि 33 वर्सांच्या सेवे उपरांत निवृत्त जाल्ल्यान शाळेच्या पालक-शिक्षक संघा वतीन तिचो भोवमान करून तिका निरोप दिलो. हे कार्यावळीक मुखेल सोयरो म्हणून कुर्टीचो आदलो जिल्हो पंचायत वांगडी मोहन वेरेकार हाजीर आशिल्ले. निवृत्त शिक्षिका शोभा धामस्कार, पालक-शिक्षक संघाटी अध्यक्ष मीलन गावडे, शिक्षक श्याम गावडे, प्रेमानंद गुरव माचयेर आशिल्ले.
विद्यार्थ्यांनी आपल्या शिक्षकां विशीं आदर बाळगुवप म्हत्वाचें आसा. तशेंच दरेका गजाली कडेन सकारात्मक नदरेन तांणी पळयल्यार येश निश्चीत मेळटा अशें मोहन वेरेकारान आपल्या उलोवपांत सांगलें. 33 वर्सांच्या शिक्षकी सेवेंतली 19 वर्सा आर्ल-केरी विद्यालयांत गेलीं. म्हाका सहकार्य करपी पालकांचें हांव उपकारी आसा. विद्यार्थ्यांनी बरें शिक्षण घेवन देशाचे आदर्श नागरीक जावपाक जाय तशेंच समाजा विशीं आदर बाळगुवपाक जाय अशें भारती नायक हिणे सांगलें. शोभा धामस्कार आनी मीलन गावडे हांणी आपले विचार मांडले.
प्रास्तावीक आनी सूत्रसंचालन प्रेमानंद गुवर हांणी केलें. मोहन वेरेकार हांचे हस्तुकीं भारती नायकाक फुलां तुरो आनी यादस्तिक भेटयलें. कार्यावळीक पालक व्हडा संख्येन हाजीर आशिल्ले.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
