भांगरभूंय | प्रतिनिधी
नवी दिल्ली, खबरां संस्था: इस्रायली सरकाराच्या मालकीच्या इस्रायली कंपनी, इस्रायल एअरक्राफ्ट इंडस्ट्रीज (IAI) वांगडा रु. ८,००० कोटींचो करार, भारतीय हवाई दळांत स नव्या हवेंतल्या हवेंत इंधन भरपी विमानांचो आसपाव करपाच्या निमाण्या टप्प्यांत आसा.
कांय रशियन आनी युरोपियन कंपन्योय ह्या कराराचे सर्तींत आशिल्ल्यो, मात तांकां तांत्रीक अटी आनी मेक इन इंडिया हाची गरज पुराय करपाक अपेस आयलें. आयएआयन ऑफसेट धोरणा खाला अदमासान ३०% मेक इन इंडिया सामग्रीचो आसपाव करपाक सहमती दाखयल्या
आयएआय करारा प्रमाण, पोरण्या बोईंग ७६७ वेवसायीक विमानांक टँकर विमानांत रुपांतरीत करतले. कंपनीन ऑफसेट धोरणा खाला सुमार ३०% मेक इन इंडिया सामग्री आसपाव करपाक सहमती दाखयली.
हो करार १५ वर्सां आडकल्लो
फाटल्या १५ वर्सांनी भारत सरकारान नवीं टँकर विमानां विकत घेवपा खातीर जायते फावट यत्न केल्यात, मात दरेक फावटीं खंयच्या ना खंयच्या कारणाक लागून हो करार अपुराय उरलो. हवाई दळ ल्हवल्हव पोरणीं विमानां काडटात. नवीं झुजाचीं विमानां हवेंत इंधन भरपाचे मजतीन चड अंतर काडपाक शकतात.
भारतीय हवाई दळान हालींच एक विमान भाड्यान घेतलां. मात वाडपी हवाई तांक आनी नवे पिळगेच्या झुजाच्या विमानांक पुराय करपा खातीर अदीक टँकर विमानांची गरज आसा.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
