भांगरभूंय | प्रतिनिधी
पहलगाम, खबरां संस्था: जम्मू काश्मीरांत बारामुल्लांत घुसपाचो यत्न करपी २ आतंकवाद्यांक सोपयले. बारामुल्ला आशिल्ल्या नियंत्रण रेशेंतल्यान घुसपाचो यत्न केलो. ह्याच वेळार भारतीय सैन्यांतल्या जवानांनी फारपेट केल्ल्यान हातूंत दोगांक मरण आयलां. व्हड शस्त्रसांठो जप्त केला.
पहलगामांत दहशतवादी हल्लो जाले उपरांत २४ वरांय पुराय जावंक ना. ताचे पयलींच आयज सकाळ सावन बारामुल्ला भागांत लश्कराक दुबावीत हालचाली दिसून आयल्यो. उपरांत आतंकवाद्यांनी नियंत्रण रेशा हुपिल्ल्याचें सैन्याच्या निदर्शनाक आयलें. हाका लागून भारतीय सैन्यांनी फारपेट केली. भारतीय सैन्य दळा कडल्यान फाटल्या २ ते ३ वरां सावन सर्च ऑपरेशन सुरू आशिल्लें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
