भांगरभूंय | प्रतिनिधी
नवी दिल्ली: भारतीय सैन्य ८०० किमी परस चड अंतराचेर आशिल्लीं ब्रह्मोस सुपरसॉनीक क्रूझ क्षेपणास्त्र विकत घेवपाची तयारी करता. सध्या सैन्याकडेन ४५० किमी. मेरेन पयस वचपी ब्रह्मोस क्षेपणास्त्र आसा. खबरां एजन्सी एएनआयच्या म्हणण्या प्रमाण ह्या नव्या आवृत्ती खातीर लश्कर व्हड ऑर्डर दिवपाची येवजण आसा, अशें संरक्षण अधिकार्यांनी सांगलें.
संरक्षण मंत्रालयाचे उच्च पांवड्यावेले बसकेंत ह्या प्रस्तावाक बेगीनूच मान्यताय मेळूं येता. मे २०२५ वर्सा भारत-पाकिस्तान झुजाच्या काळांत ऑपरेशन सिंदूरांत ब्रह्मोस क्षेपणास्त्राचो उपेग केल्लो. भारतीय सैन्यान पाकिस्तान हवाई दळाच्या जायत्या सुवातींनी लक्ष्य केल्लें.
आतां ८०० किमी पल्ल्याच्या नव्या क्षेपणास्त्रांच्या आगमना उपरांत दिल्लीच्यानूच पाकिस्तानाची राजधानी इस्लामाबादाक लक्ष्य करपाक मेळटली. दिल्ली आनी इस्लामाबादच्यान हवाई अंतर ७०० किमी आसा.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
